أحيت الفنانة إليسا، مساء أمس الجمعة، حفلاً فنياً ساهراً على ملعب كوكا كولا أرينا في دبي، ضمن موسم الحفلات الشتوية، وسط حضور جماهيري غفير، قدمت خلاله باقة منوعة من أشهر أغانيها الرومانسية والإيقاعية، إضافة إلى أداءها العديد من الأغنيات الوطنية.
إليسا متفائلة بمستقبل لبنان
وبررت النجمة الملقبة بـ "ملكة الإحساس" سبب استئناف نشاطاتها الفنية، كما أبدت تفاؤلها الكبير بمستقبل بلدها لبنان رغم تداعيات الحرب الإسرائيلية، وذلك في كلمة مقتضبة ألقتها خلال الحفل، أوضحت فيها أنها التزمت الجلوس في المنزل أمام شاشة التلفاز لمتابعة تطورات الأوضاع، إلا أنها شعرت بأن التزامها غير مجدي وليس بمفيد.
وأضافت إليسا: "قلت برجع لشغلي لحتى قول للناس هيدا شيء مؤقت وبلدي رح يرجع أحسن مما كان، بعدين في التزامات تجاه بلدي وفرقتي وكتير ناس أنا مسؤولة عنهم".
وتابعت: "ما رح توقف الحياة رح نكمل وبقولها على العلن الكرة الأرضية بتهز بس ما بتوقع، فما رح نوقع".
وانقسم محبو النجمة اللبنانية بين ناقد ومؤكد على كلامها، وفي التالي لمحة عن تعليقاتهم على المنشور، منها: "خلص ارجعوا.. الحياة بدها تكمل وهي شغلها ورزقتها.. برافو إليسا"، و" لو ممثلة عادي ترجع بس اغاني ورقص وفرح وحفلات والناس مشردة بالشوارع مش مقبول".
وورد أيضاً: "ألوس أقوى فنانة ما بيهمها حدا هذول اللي وراها كلهم رح يغنوا كانوا خايفين من السوشيال ميديا بس اليسا فتحت لهم الباب.. تفضلوا".
إليسا تؤكد على ضرورة عودة الفنانين للغناء
وأبانت إليسا في وقت سابق ضرورة عودة الفنانين للغناء ومزاولة نشاطاتهم الفنية، مشيرة إلى إيجابيات العمل وتداعياته على البلاد وعلى عوائل الموسيقيين والفنيين وشريحة واسعة من الناس، حيث غردت عبر حسابها الرسمي في منصة إكس:
قالت فيها: "ما حدا ممكن يخاف علينا اكتر من حالنا.. لهيك ما بقا نلوم اي شخص او فنان عم بيكمّل بشغلو.. إذا لازم نلوم حدا، لازم نلوم حالنا على كل شي وصلنا له بلبنان، حلو يكون عنا وعي ونعرف (حتى لو ما حابين نعرف) شو لوصلنا لهون.. إذا حابين نرجع نوقف على إجرينا، ونساعد اهلنا وندعم اقتصاد بلدنا، لازم نشتغل.. وانشالله أزمتنا ما بتطوّل، والله يحمي كل الأوطان".
