شاركت الممثلة اللبنانية ليليان نمري متابعيها على مواقع التواصل الإجتماعي فرحة يوم ميلادها، حيث نشرت صورة من طفولتها حين كان عمرها ثلاث سنوات فقط وعلقت عليها بالقول: "متل الليلة وج الصبح خلقت عالأربعة الا ربع الفجر، عبده كان عم بيحضِر غراض المغلي، وعليا عم تتحضّر لولادة طفل مش معروف ان كان صبي أو بنت، ما كان في إيكو بوقتها يمكن او ما كانوا يعرفوا نزلِت ستي سارة من الدامور ،خالتي سلمى برمت عالعيلة ، بعَتو خبر لعمتي جورجيت، وبيي عطاها خبر للدايي حتى تحضر حالها .. تزَّينت كل البناية".
وتابعت أيضاً: "وصلت الخبرية لكل المناطق المجاورة، واقاربنا في سوريا والأردن ومَرسين و المهجر ، ما فهمت ليش كانوا مفحوطين هالقد صبيان الحيّ عم بيصّلو يجي صبي ، وامي عم تصّلي تجي بنت وبيي عم بيصلي تجي بنت بس بتشبه ام هوريغ جارتنا لانو كان يحب المليانين امي تقول: اللي بيجي من الله يا محلاه بعد ٣ صبيان وشّرفت عاهالدني بعد ما ركض بيي تحت الشتي حافي من برج حمود لسن الفيل مع انو معو سيارة بس ضاع يا حرام وفعلا بيخلق الإنسان وما بيعرف قصة حياته اللي كاتبها ربنا بشكرُه وبحمدُه عا كل شي مرَق بحياتي وانا فخورة بكل شي عملتو بحُب ومن كل قلبي".
النهضة نيوز