نيللي كريم عن مرضها : كنت قلقانة ورحت لعند دكتور قلي ممكن تتشلي

وتابعت: "لما الدكتور حذرني من الإصابة بالشلل اتخضيت وطبعا كنت قلقانة، روحت لكذا دكتور وأول واحد قالي ممكن تتشلي وهترجعي تاني لطبيعتك بعد سنة، والدكتور في أمريكا قالي لأ هتبقي كويسة".

وأضافت:"كنت بسمع كل الكلام ده وبفكر في شغلي وإني هقعد في البيت ومش هعرف أمثل تاني، لكن الحمد لله ربنا لطف، والدرس الأهم اللي اتعلمته إن محدش عارف بكره في إيه، وإننا لازم نبقى راضيين ما دم صحتنا وأهلنا كويسين".

وعن ردت فعلها بعد نجاح الجراحة قالت:"بعد العملية مسكت التليفون وكلمت كل الناس اللي بحبها، وأول واحدة كلمتها كانت كاملة أبو ذكري قولتلها كاملة أنا بحبك ومكانتش فاهمة في إيه".

مرض نيللي كريم

وأشارت نيللي أن مسلسل "ذات" من أقرب الأعمال الفنية الأحب إلى قلبها لكونه يمثل مراحل حياة كل بنت مصر، واعترفت بأنها لم تكن المرشحة الأساسية لبطولة المسلسل، ولكنها نجحت فيه لأنها كانت تشعر بأحاسيس ذات في كل حلقة.

وأكدت نيللي إلى أن نجاح عدة أعمال فنية ذهبت إليها بعد اعتذار المرشحة الأساسية يؤكد اعتقادها أن الحظ يلعب دورا كبيرا فى حياتها، مضيفة:"أنا شخص محظوظ جدا بالإضافة إلى أنني ما زلت أجتهد إلى الآن، وقدمت العديد من الأدوار التى اعتذر عنها بعض زملائى مثل "ذات" و"أنت عمرى" وأعتقد أن هذا لا يقلل منى لأني في كثير من الأحيان أعتذر عن بعض الأعمال ويقدمها غيرى بشكل أفضل مني".

وعن أحلامها التي تحققت قالت:" في حاجات كتير كنت بحلم بيها وبتتحقق دلوقتى يعنى مثلا لما كنت في اسكندرية وانا صغيره كنت بقعد في البلكونة واتخيل انى هبقى مشهورة، وحلمت انى بمثل حاجة ومعايا يسرا وانا كنت وقتها ما اعرفهاش خالص فقولت اكيد ده هيحصل، ودلوقتي الفنانة يسرا من أعز أصدقائي".

أما عن الجزء الثاني من مسلسل "ب 100 وش قالت:"سنقدم بـ100 وش كفيلم سينما كما أعلن المنتج جمال العدل، ولأني أحب السينما جدا سعدت بهذا القرار وسيكون هذا الأمر جديدا من نوعه، حيث إن المعتاد أن تُقدم الأفلام كمسلسلات ولكن الجديد أن المسلسل سيتحول إلى فيلم". 

ولم تصرح نيللي عن موعد زواجها، وتجنبت الخوض في تفاصيل علاقتها الأخيرة، وقررت التحدث بشكل عام عن علاقات الحب، مؤكدة أنها تشعر بالأمان الآن مع أولادها، ومع والدتها.