نجوى كرم تشن هجوما لاذعا على المسؤولين في لبنان وتصفهم بأولاد الأفاعي

خرجت الفنانة نجوى كرم عن صمتها وعقبت على الكارثة المهولة التي هزت عمق لبنان وقلب الوطن العربي والعالم أجمع ، وشنت هجوماً لاذعاً على المسؤولين في بلدها حيث وصفتهم بأولاد الأفاعي .

وقالت في منشور صوتي نشرته عبر إحدى صفحاتها الموثقة على الانترنت : " عنا عنوانين ... أما ما صار شيء أو صار وكثر ... دبحتونا ودبحتوا البلد وكأن ما صار شيء ... هجرتم أولادنا وأدمغتنا مثل كأنه ما صار شيء ... نهبتونا وسرقتونا وفلستونا وكأن ما صار شيء ... " .

وأضافت : " وقالوا لنا بكل وقاحة بكرة بـ يتعودوا يعودكم العمى أقل شيء ... مش ملكم نحن ولا محط تجاربكم ولا حقل لتحقيق أمنياتكم ... لازم الثورة تدخل على بيوتكم ... لـ تحسسكم بما نحسه هذا إن كان عندكم إحساس يا أولاد الأفاعي ... " .

وتابعت : " شغلتم فينا المستشفيات ... وأطباء النفس ... جعلتمونا أموات ونحن أحياء يا بلا وجدان ... وين ريحة الطيون والزعتر إلي بدلتوها بريحة جثث ولادنا ... وبعدكم عم تتقاتلوا على السلطة روحوا انقبروا فلّوا ... صاير ومكتر ... وكأنه الدني عم تشتي " .

واختتمت منشورها قائلة : " كيف قادرين تستخفوا فينا ... كيف قادرين تستخفوا بعقولنا وأرواحنا ... مش عم نفهم كيف ... إذا أنتوا مش فاهمين مصيبة وإذا فاهمين المصيبة أكبر ... " .

<blockquote class="twitter-tweet"><p lang="ar" dir="rtl">من قلبي بعزّي أهالي الشهدا اللي ماتوا وبتمنّى الشفاء العاجل لكلّ المصابين بهالإنفجار ??<br>وهيدي رسالتي لكل السياسيين.. <a href="https://twitter.com/hashtag/%D8%A7%D9%86%D9%81%D8%AC%D8%A7%D8%B1_%D8%A7%D9%84%D9%85%D8%B1%D9%81%D8%A7?src=hash&amp;ref_src=twsrc%5Etfw">#انفجار_المرفا</a> <a href="https://twitter.com/hashtag/%D8%A8%D9%8A%D8%B1%D9%88%D8%AA?src=hash&amp;ref_src=twsrc%5Etfw">#بيروت</a><a href="https://twitter.com/hashtag/PrayForLebanon?src=hash&amp;ref_src=twsrc%5Etfw">#PrayForLebanon</a> <a href="https://t.co/aJZRkrBgzT">pic.twitter.com/aJZRkrBgzT</a></p>&mdash; Najwa Karam (@najwakaram) <a href="https://twitter.com/najwakaram/status/1291059068719845383?ref_src=twsrc%5Etfw">August 5, 2020</a></blockquote> <script async src="https://platform.twitter.com/widgets.js" charset="utf-8"></script>

وأرفقت نجوى كرم منشورها بتعليق توجهت من خلاله بالعزاء إلى أسر شهداء انفجار ميناء بيروت ، في حين تمنت الشفاء العاجل لكل الجرحى والمصابين .