رد الفنان عمرو مصطفى على تصريحات زميله النجم رامي جمال في برنامج " حبر سري"، والذي خالف فيها الأخير رأي الأول بأن الفضل الإبداعي الفني يعود إلى الملحن دون المطرب باعتباره أن المغني مجرد أداة.
حيث قال رامي جمال: " مفيش حاجة في الدنيا متوقفة على شخص والملحن من غير شاعر وموزع شاطر أداة والمطرب الشاطر اللي سماه أداة غير كده مكانش هيبقى قاعد يتكلم إنه ملحن شاطر في الحقيقة في نوع من النرجسية".
وتابع: " أنا مش بحبه وفي فرق بين إنك واحد من الملحنين العباقرة اللي التاريخ مش هينكرهم، لكن لسه مين كده مازعلتوش منك عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبّر بعض أحسن".
عمرو مصطفى لـ رامي جمال: أنا نرجسي
ليرد عمرو مصطفى على تصريحات مواطنه رامي جمال من خلال منشور قصير عبر صفحته الشخصية في تطبيق فيسبوك: " أنا نرجسي، أنا مغرور، أنا منفصل عن زمايلي وفي حالي ومش بكلم حد في الوسط".
ووجه رسالة لكل منتقديه دون أن يحدد منهم أحداً، قائلاً: " ارتاحوا بقى وبطلوا تذكروا اسمي في كل مكان، اقعدوا اعملوا لجان في كل حتة تطلع تشتمني وبرامج مخصوص لمهاجمتي".
وأضاف متسائلاً: " كل ده لأني لازم أكون منافق وأشكر في ناس منافقة علشان صورتي تكون كويسة قدام الناس، طيب أنا عايز صورتي تكون وحشة، ارتاحوا بقى".
أغنية عمرو مصطفى الجديدة
يذكر أن آخر أعمال الفنان عمرو مصطفى الغنائية، كانت طرح أغنية جديدة تحت عنوان " تيجي تيجي" التي طرحها عبر قناته الرسمية في منصة الفيديوهات الشهيرة يوتيوب، والتي لحنها بنفسه و تعاون فيها مع الشاعر عمرو يحيى والموزع الموسيقي محمود صبري.
في حين أنه صورها على طريقة الفيديو كليب تحت إدارة وإشراف المخرج حسام رجب، ويقول مطلع الأغنية: " تيجي تيجي نعمل كل اللي فجأة ببالنا يجي.. ونعيش سنينا تملي إيديك في إيدي.. تيجي تيجي.. تيجي تيجي.. نهرب من الدنيا وعيني ليك يا سيدي.. سيدي سيدي سيدي عيني لك يا سيدي.. ونعيش جنانا وزيِّ ما تيجي تيجي".