منى فاروق تناشد نقيب الفنانين أشرف زكي بعد ساعات من اعتزالها الفن

منى فاروق تتراجع عن اعتزال الفن والسوشيال ميديا

وأكدت الممثلة الشابة أنها لا تسعى من خلال تراجعها السريع عن إعلان اعتزالها عالم الفن إلى الشهرة وتصدر التريند، وكتبت عبر حسابها الرسمي في INSTAGRAM منشوراً قصيراً، اشارت فيه إلى كل من نقيب المهن التمثيلية أشرف زكي والنجم أشرف عبد الباقي.

وقالت في نصِّ المنشور: " مساء الخير، الكلام اللي بقوله ده خارج خالص عن فكرة إني أخد التريند وأعمل زي أي حد، أنا قلت أعتزل الفن لسبب واحد وهو إن ده مصدر رزقي الوحيد اللي أنا بحبه وعايزة أشتغله، لكن لما أوصل لمرحلة إني مش عارفة أدفع إيجار بيتي حاجة تتعب".

وأضافت منى فاروق: "أنا محتاجة أشتغل عشان أقدر أعيش زي أي بني آدمة طبيعية، أنا غلطت وربنا بيسامح، ليه البني آدمين مش عايزين يسامحوا؟".

وأردفت: " عشان كدة، أنا بناشد دكتور أشرف زكي والأستاذ أشرف عبد الباقي وشركات الإنتاج، محتاجة الشغل عايزة أعرف أعيش، ولما قلت قرار أعتزل من أجل لو حد شافني بشتغل في محل لبس أو أي شغل ميقولش إيه ده؟ والله مش طالبة غير أشتغل، أبوس إيديكم عايزة أشتغل".

اعتزال منى فاروق مجال الفن والسوشيال ميديا

وأتت مناشدة النجمة الشابة لنقيب الفنانين المصريين بعد ساعات من إعلانها اعتزال مجال التمثيل والوسط الفني والسوشيال ميديا، معللة السبب بشعورها بعدم التقدير من العالمين في المجال، حيث كتبت: " تعبت.. وأشعر بعدم التقدير لشخصي ولموهبتي.. ولم أعتد البقاء في مكان ومع أشخاص لا تقدرني.. تعبت.. لذلك أعتزل".

وتابعت: " إجازة مفتوحة من السوشيال ميديا.. مش هكون موجودة.. مش عاوزة حاجة من حد ولا حد يعوز مني حاجة.. واللي زمان أنا عشته لغيري أنا دلوقتي هأعيشه لنفسي".

وأضافت: " محتاجة أكون نفسي.. محتاجة سلام نفسي.. اللي بيحبوني شكراً وكتر خيركم.. واللي ما بحبوني شيلوني من حساباتكم لحد ما أقدر أواجه الحياة الظالمة دي تاني.. سلام".

أعمال منى فاروق

يشار إلى أن آخر أعمال الفنانة منى فاروق، كان الجزء الثاني من مسلسل " أيام"، تأليف سماح الحريري وإخراج محمد أسامة وبطولة كل من " سلوى خطاب، حورية فرغلي، شيري عادل، رياض الخولي، أحمد صفوت، جمال عبد الناصر، سماح السعيد، حجاج عبد العظيم، رشدي الشامي، سليم هاني".