يوسف حداد ينتقد الصمت العربي إزاء انتهاكات الاحتلال الصهيوني في قطاع غزة

يوسف حداد يصف الانتهاكات الإسرائيلية في غزة بالجريمة

حيث قال النجم اللبناني في الشريط المصور المتداول عبر تطبيق Instagram: " الشر حاكم الأرض.. أنا بعرف إنه المجرم واللي معه سلاح هو الأقوى، لكن إللي عم يصير بغزة هو أكبر جريمة صارت في التاريخ من بعد الحرب العالمية الأولى والتانية، سكوت مطبق بالعالم عن أكبر جريمة بالعالم".

واستغرب تغيٌّب الشعوب العربية الحرة من كلا الديانتين عما يحصل في فلسطين، متسائلاً: " لك وين الشعوب الأحرار؟ وين العرب؟ وين المسلمين؟ وين المسيحيين؟ وين الناس إللي عندها نخوة والشرفاء وإللي فيهم دم؟، لك كيف بينترك شعب ينضرب عقنابل عنقودية وفسفور؟، لك كيف أطفال بينتشلوا جثث هامدة من بين أمهاتهم وأبائهم وما حدا بيتحرك؟".

وتابع: "معقولة صرنا جبناء لهيدي الدرجة؟ معقول هالقد أمريكا مخوفة كل هيدي الشعوب؟ معقول فرنسا، بريطانيا، إللي قسمونا وفتتونا طوائف ومذاهب وبلدان قدروا يخلونا نتفرج على إخوتنا يموتوا بهيدي الطريقة؟ معقول المجازر إللي عم تصير وكلو موثق قدام العالم معقول القهر الأمريكي وفجور بايدن وأوباما ووزير خارجيتهم ودفاعهم والطيارات الي جاية بالأساطيل، معقول ما في أمم متحدة تدين على القليلة، معقول ما في صين وروسيا وهند؟ صاروا ولا شي قدام قهر إسرائيل وأمريكا؟".

وأردف: "معقول الفلسطيني واللبناني والسوري والعراقي والليبي والأثيوبي والسوداني مش إنسان؟، بس الصهيوني إنسان؟!، بس هني بينبكى عليهم متل ما عم يمثل هيدا تبع الأمن القومي الأمريكي ويتبكبك على التلفزيون".

واستطرد بحرقة: "قتلتونا أربعين خمسين سنة باسم إسرائيل وكسرت بلدانا وطحبشت عواصمنا وقتلت وحبست نسائنا رجالنا بزنازين، لك غزة سجن صغير مفتوح حتى العالم يحط إيده فيه ويبل إيده فيه، ويتعلم ويجرب أسلحته فيه، مش حرام مش عيب هيدا الشعب 80 سنة مظلوم".

وعليه، أشاد المتابعون بموقف النجم اللبناني يوسف حداد في ظل اتباع المشاهير والمؤثرين العرب الصمت إزاء تطورات مجريات الأحداث في غزة خاصة وفلسطين عامة.

حيث كتبوا في تعليقاتهم على المنشور: " كل الاحترام لشخصك الكريم ، حكيت كل الحكي والألم والوجع بقلوبنا"، و" حسبي الله ونعم الوكيل، حتى الفنانين ماحد مسترجي يحكي شي، كل الاحترام لحضرتك".

وورد أيضاً: " طول عمري بحبك بس هلأ صرت بموت فيك"، و" كلامك صح فتتونا أطياف وأحزاب مات الضمير العربي "، و" لهل السبب دمروا سوريا ولبنان والعراق وليبيا حتى ل اتوجد قوة تقف امامهم ترعبهم ".