أكدت الممثلة القديرة كارمن لبس أن حال اللبنانيين واحد وأن الحزن يخيم على النفوس والغصة في الحناجر بسبب الحرب الإسرائيلية الشعواء على لبنان، وأبانت أنها تُطمئن الجمهور ومحبيها على حالها وترد على تساؤلاتهم بعبارة "منيحة الحمدلله"، إلا أنها ليست بخير كحال اللبنانيين جميعاً.
كارمن لبس: لبنان أولاً
إذ قالت كارمن لبس في فيديو قصير عبر Instagram: "أنا مش منيحة، كل الناس اللي حواليِّ مش مناح كل شعب لبنان مش منيح، بس شو بيطلع شعوري أمام أم شهيد أو أمام المصابين أو عيلة خسرت بيتها أو اضطرت تترك بيتها أو أمام عاملة أجنبية ما دخلها بالوضع كله، تخلوا عنها أصحابها بسبب الأوضاع وهي محاصرة هون معنا".
وأشارت نجمة الدراما المشتركة إلى تخلي المجتمع الدولي عن لبنان لصالح إسرائيل، قائلة: "شو بدو يحكي الواحد، كل المجازر اللي عم ترتكبها إسرائيل موثقة وكل العالم شايفة بس كل حكام العالم ما عم يعملوا شي، نحن قاعدين عم نتفرج، ناطرين وين رح نوصل.. ووين رح يوصلونا!".
وشددت كارمن لبس على ضرورة التعاضد الوطني في الظروف الحالية، مؤكدة أن حب لبنان هو بوصلة لقاء اللبنانيين، وهو الحافز لاستقامتهم بعط كل انحناء، حيث صرحت: "أهم شي، لازم نكون إيد وحدة، والشي اللي عم نشوفه إنه نحن كيف حد بعضنا البعض بكبر القلب، ولازم نضل هيك ونتذكر أنه الوطن أهم من كل شي وأنه حبنا للبنان أولاً، وهيدي مش أول مرة بتصير كل مرة، منوقع ومنرجع منوقف، هي ضريبة لبنان وحبنا إله رغم كل مشاكله".
وتمنت كارمن لبس في ختام كلمتها، السلامة لوطنها ومواطنيها، وهو ما أثار تفاعل النشطاء الذين تمنوا لبلاد الأرز السلام وأعربوا عن أسفهم الشديد بسبب صمت الدول العربية عما يحصل في لبنان وغزة.
وجاء في تعليقاتهم: " يا حبيبي صوتك وجعلي قلبي سيأتي النصر هذا أكيد الله موجود يمهل ولا يهمل"، و"حسبنا الله ونعم الوكيل حكام العرب هنن بدن هيك يلي عم يصير بغزة العزة وبالبنان لانهم أشباه رجال".
وورد: "الله يكون بعونكم يارب والله يهونها يارب فتره وراح تمرق وراح يرجع لبنان واهله الطبيين بكل شي حلو مثلكم".
