أسما شريف منير ترد على منتقدي قصة شعرها وتتلقى المساندة من نجمات مصر

أسما شريف منير برد عنيف على منتقدي قصة شعرها

وأوضحت أسما شريف منير حقيقة الشائعات المتداولة بشأن معاناتها من الاكتئاب والاضطراب النفسي، مؤكدة أنها بصحة جيدة، وذلك بعد أن خصت الأشخاص الذين دعموها بكلمة شكر، قائلة:

" طيب أول حاجة شكراً علي كل ردود الفعل، الوحشة و الحلوة كلها، ساعات موقف زي دي بتخلي ناس تشوف ناس تانية عاملين إزاي مجرد إنهم بيعبروا عن رأيهم، و شكراً لكل الناس اللي كانت خايفة و قلقانه عليا، ممكن بقي أقول لكم الحكاية من وجهة نظري ببساطة".

وتابعت: " أولاً الحكاية أتت بالصدفة جداً و كان قرار لحظي و انفعالي جداً و مش ندمانه عليه، تاني حاجة أنا مش بعمل كده عشان أطلع ترند بس كنت عارفة إني هبقي ترند، في فرق كبير بين عايزة وعارفة".

وأشارت إلى عدم إعجابها بظاهرة الرائج والمتداول، مضيفة: " على فكرة الترند ده نقمة مش حاجة حلوة خالص، بس مش هدخل في الجدل ده دلوقتي"، ونفت الأنباء المتداولة حول إصابتها بالاكتئاب:

"تالت حاجة أنا الحمد لله كويسة و مبسوطة و مش واخدة الخطوة دي بسبب اكتئاب خالص بالعكس، دي صفحة جديدة حلوة مليانه تفاؤل وقوة وإرادة وتحدي وجرأة وشجاعة و كل حاجة إيجابية في الكون".

وأردفت أسما: " أنا فعلاً من فترة كنت بمر بمرحلة صعبة جداً بس كنت في رحلة بقالي شوية بتعافي منها و بقف علي رجلي من الأول و كان آخرها رحلة دهب، ده مش اكتئاب ده مرحلة انتقالية مؤمنة إني هحقق فيها حاجات كتير..".

وتوجهت لمنتقدي شكلها الجديد: " آخر حاجة الجماعة اللي مكبرين الموضوع، ده شعري مش شعرك، أنا عاجبني شكلي جداً، جامد بصراحة، شكله جامد، ومديني ثقة في نفسي جداً، بحبكم أوي بجد".

وتفاعلت شريحة واسعة من المتابعين مع توضيح ابنة الممثل القدير "شريف منير"، ومنهم كوكبة من نجمات مصر وعلى رأسهم: " سمية الخشاب، غادة عادل، هاجر الشرنوبي".

علاقة أسما بوالدها شريف منير بعد حلقها شعرها عالزيرو

وحول ردة فعل والدها إزاء حلقها لشعرها، أكدت الإعلامية والممثلة المصرية أنها لم تستطع مواجهة والدها، وأوضحت أن تصرفاتها بشكل عام لا تروق لوالدها الفنان شريف منير.

وأضافت في تصريحات صحافية: " بعد حلاقة شعري، لم أواجه والدي حتى اللحظة، وطوال الوقت هو على خلاف معي ولا يحب تصرفاتي بل وينزعج منها، وهناك أشخاص يتصيدون في المياه العكرة".