شريف منير يخرج عن صمته إزاء انتقادات ظهور ابنته حليقة الرأس

أول تعليق من شريف منير على ظهور ابنته حليقة الرأس

وقال الممثل المصري القدير في فيديو عبر INSTAGRAM: " إيه الضجة اللي إنتوا عاملينها دي؟!، كل ده عشان بنتي قصِّت شعرها قدام الكاميرا؟!، إيه الغلط اللي هي عملته، تصرف عادي جداً مفيهوش أي حاجة، أوعوا تفتكروا إني ممكن إجي على بنتي عشان أكسب رضاكم، دي بنتي اللي مليش غيرها واللي بحبها".

وأكد إعجابه بالستايل الجديد الذي اعتمدته، وطالب المتابعين باحترام ابنته وعدم التطاول على أخلاقها وعدم الطعن في أخلاقها، مضيفاً: " بالمناسبة اللوك اللي عملته عجبني، وقبل ما الأخوة اللي بيهاجموا ويقولوا بتعمل كده عشان التريند أو أبوها ما عرف يربيها، لأ أنا بنتي مترباية كويس جداً، بس هي بتتصرف باللي حاسة بيه، والمهم أنها ما بتأذي أحد".

وتابع: " قبل ما تتكلموا بصوا على نفسكم، اتفرجوا على عيلتكم وولادكم وإخواتكم الناس اللي حواليكم، قبل ما تنتقدوا وتغلطوا في تربية أحد، أنا بنتي مترباية كويس جداً".

وأردف شريف منير: " اللي حصل من بنتي مش غلط ولا عيب، هي ما غلطت في حد فيكم، هي حرة في نفسها وعندها 36 سنة، وهي أم لبنوتة ومسؤولة عنها وعن نفسها، فأنا أب مسؤول إني أحميها، إنما هي حرة في تصرفاتها".

وتوجه لابنته قائلاً: " أسما، أنتِ شكلك حلو جداً وكنتي زي القمر وخدتي التريند برافو عليكِ، ما تسمعي كلام حد، وما تهتمي بكلام حد، وأنا مش مهتم بالكلام اللي يقال عليَّ أو عليكِ، المهم نحن ما بنضر أحد".

علاقة أسما شريف منير بوالدها

وفي وقت سابق، أكدت أسما شريف منير في لقاء تلفزيوني أُجريَّ معها على هامش مشاركتها في مهرجان القاهرة للدراما، أنها لم تستطع مواجهة والدها بعد قيامها بحلق شعر رأسها، وأوضحت أن هنالك بعض الأشخاص الذين يتصيدون ي الماء العكر ويحولون دون استقرار علاقتها بوالدها.

حيث صرحت: " بعد حلاقة شعري، لم أواجه والدي حتى اللحظة، وطوال الوقت هو على خلاف معي ولا يحب تصرفاتي بل وينزعج منها، وهناك أشخاص يتصيدون في المياه العكرة".