نيكول سابا تبكي كلبتها وتودعها بكلمات مؤثرة

نيكول سابا تودع كلبتها بكلمات مؤثرة

وودعت النجمة اللبنانية نيكول سابا كلبتها بكلمات مؤثرة، استبقت فيها الانتقادات التي قد تطالها على خلفية حزنها على رحيل "كوكي"، ومن ثم استذكرت فيها طباعها وحيويتها ووفائها، إذ نشرت مجموعة صور لها عبر INSTAGRAM ، حيث كتبت:

"الإنسان الحقيقي يلّي عنده مشاعر حقيقية وحساسة وعالية بيزعل لما بيخسر حيوان ربّاه سنين طويلة مثل ما بيزعل لما يخسر إنسان قريب منه، وما رح يفهم ويقدّر مشاعري وزعلي الا يلي ربّى حيوان وعاش معه عمر وعرف قديش بكون أوفى وأصدق من كتير بني آدم".

وتابعت: " وما فيني قول غير أنه لما بتخسر حيوان عاش معك أكتر من ١٥ سنة وربّيته من كل قلبك وعيّشته عزّ مثل ما بقولوا بالطول والعرض ما بكون ضميرك إلا مرتاح.. وكمان بقولوا أنه الكلب بياخد من صاحبه طباعه وأنتِ كنتي مليانة طاقة وحسّ وحياة وخجل..".

وأضافت نيكول سابا: "فما الي إلا بادل كل العزّ والتقدير لكائن بكون وفيّ إلك كل لحظة وبيعطيك بلا مقابل.. بيعطيك استقبال حلو كل ما بتفوت على بيتك.. بيعطيك احساس بالإيجابية وبالحنّية والحب وبعيش كل لحظة معك بحلوها وبمرّها.. ومن دون مقابل.. أهمّ شي.. وهي مستحيل تلاقيها عند البني آدم..".

وأكدت النجمة اللبنانية على امتنانها الكبير لكلبتها الراحلة على كل ما قدمته لها من مشاعر إيجابية، قائلة: "لهيك بدّي قلّك يا كوكي إني ممتنّة لكل هل مشاعر المجّانية يلّي عطيتيني ياها.. وأنا عشت معك كل لحظة ألم ما قبل وما بعد فقدانك.. بعض الناس أو يمكن معظمهم رح تلاقي كلامي over على كلب.. بس أنا إنسان وروح.. وللأسف إنسان كتير بحسّ.. وكتير بحبّ.. رح تتركي فراغ كبير وذكريات ايام حلوة يا كوكي.. رح اشتقلك".

منشور نيكول سابا استقطب اهتمام المتابعين وأثار تفاعلهم، حيث سارعوا إلى ترك عبارات المواساة عليه في محاولة منهم لدعم النجمة اللبنانية، كما أكدوا على كلامها فيما يخص المشاعر المجانية والطاقة الحيوية التي يمنحها الحيوان الأليف لمالكه.

أغنية فيلينج كول Feeling Cool

يشار إلى أن آخر أعمال الفنانة نيكول سابا على صعيد الغناء، كانت أغنية " فيلينج كول/ Feeling Cool" التي طرحتها على طريقة الفيديو كليب في منتصف شهر حزيران/يونيو الماضي، بالتعاون مع الشاعر مصطفى حسان والملحن مصطفى العسال.

ويقول مطلع الأغنية: " قلبي ظابطة منبهه وأما بيزعل أنا بنبهه رايقة في حتة لوحدي وهمي يجي يمشي ورايا بتوه تتكلكع على نفسي بهون أصل أنا لو على راسي هكوم مش هعر أنام غير بمنوم أنا على طول "Feeling Cool".