إمارات رزق تغادر سورية بسبب الظلم: ما عنا وطنية

إمارات رزق تشكو مظلوميتها

نشرت نجمة الدراما السورية إمارات رزق صورة الغرفة المهدمة عبر صفحتها الرسمية في تطبيق فيسبوك، وكتبت: "كل شي مخالفات عم تصير بالبلد بيلحقوا الفنانين ع شي بيعملوا ليحموا لحالهم.. ياريت اجتمعت الدولة وقت تعرضنا لمواقف إرهابية قدام بيتنا وإجوا حمونا... أما يجو لحتى يهدوا مترين بمترين لحماية ولادنا وبيتنا بس لأنه في حدا قرر يجي يسكن جنبنا ما بعرف مين واسطته..".

وتابعت: "فعلاً وكأنه عم تقولوا انقلعوا برا البلد وبس نطلع منصير خونة وما عنا وطنية.. وبس بدو يتنفذ القانون يكون على الكل ما عنا مشكلة.. سيدي الرئيس ياريت تعرف قديش في مخالفات بمشروع دمر.. بآلاف الأمتار والمحافظة ولا كأنه شايفة.. نحن تحت سقف القانون لما بيكون القانون على الجميع.. مو لما بدهم بكونوا قانونيين ولما بدهم يغطوا على بعض.. بس يمكن عنجد ما عاد إلنا مكان بهل بلد".

عائلة إمارات رزق في مرمى الإرهاب

ووثقت نجمة مسلسل ((قتل الربيع)) بعضاً من المخالفات الواضحة المشيدة بجوار الغرفة المهدمة، وأوضحت أنها هي من قامت بالتواصل مع البلدية لدفع المستحقات المترتبة عليها بسبب مخالفتها لموقع البناء وشغلها أملاكاً عامة تابعة للدولة السورية.

وقالت أن رئيس البلدية أخبرها بالإجراءات المطلوبة والغرامات المتوقعة، لتفاجئ في اليوم التالي بقدوم موظفي البلدية مع آلياتهم وهدمهم للغرفة دون سابق إنذار.

وأفادت أنها حين تواصلت مع رئيس البلدية للوقوف على تفاصيل الموضوع، أخبرها بأنه نفذ أمراً شفهياً من شخص نافذ، ونصحها بعدم البحث عن اسمه كي لا تتعرض للأذى.

وأضافت: "هيدي الغرفة أنا عملتا مترين بمترين منشان حط ناطور، لأن من فترة كان في إرهابي عم يراقبنا على مدار 26 يوم، وعملنا له كمين وقدرنا نلقطه ونسلمه للأمن، وهيدا موتور ابني وطن، تفجر بعبوة ناسفة".

وتابعت: "أول مرة بسمع أنه إجا أمر شفهي بالهدم وهاد أمر مو قانوني، والفكرة بس إنه اللي اشترى البناء اللي جنبي على العظم ((غير كامل التجهيزات)) انزعج من منظر الغرفة، بده الأرض لحتى يعمل غرفة كبيرة لرجاله".

أعمال إمارات رزق

وعلى الصعيد الفني، ستتنافس الفنانة السورية إمارات رزق في رمضان 2024، من خلال مسلسل ((ولاد بديعة)) الذي تخوض بطولته إلى جانب كوكبة من المشاهير، أبرزهم: "محمود نصر، سلافة معمار، سامر إسماعيل، يامن الحجلي، نادين تحسين بيك" وغيرهم كثر.