"برناديت حديب" سيلفي من داخل مسرح الجميزة وهي تبكي

التقطت الممثلة اللبنانية ​برناديت صورة لها على طريق السيلفي من داخل مسرح الجميزة المُدمر، عبرت فيها عن حزنها الشديد للضرر الذي لحق به بعد انفجار مرفأ بيروت، وعن شوقها للوقوف على خشبة المسرح بشكل عام خصوصاً بسبب الظروف الاستثنائية التي فرضها ​فيروس كورونا​ المستجد، حيث نشرت الصورة عبر صفحاتها على مواقع التواصل الاجتماعي وعلقت عليها بالقول :"نكون أو لا نكون تلك هي المسألة!! اليوم بمسرح الجميزة ببيتي التاني يللي نصه طار بإنفجار بيروت جربت اسأل حالي رح نقدر نرجع نعمل مسرحيات متل قبل وللأسف ما لقيت جواب بس لقيت أسئلة عم بتكر ورا بعضها".

وأضافت: "لنفترض قدرنا نرمم المسرح ، رح نقدر نعمل مسرحيات ونعرضها للجمهور؟؟ رح نقدر نخاطر ونوقف قدام بعض بدون ما نخاف يكون حدا من الممثلين عنده كورونا؟؟ اذا لغينا هالاحتمال واشتغلنا واذا قبلنا بالتباعد الإجتماعي يعني رح تكون نص الصالة او أقل من نصها جمهور... قديه رح نقدر نبيع البطاقة؟؟ هل الناس يللي انسرقت مصرياتها ويللي مش عم تقدر تاكل رح تقدر تشتري بطاقة وتجي تتحضر مسرح؟؟".

وختمت بالقول :" داقت فيي الدني وعزت عليي الوقفة عهالخشبة... وقلت بهالبلد يمكن تكون آخر مرة بوقف عالمسرح وأخدت سلفي جربت ابتسم متل ما معودتكن بكل صوري بس ما كتير زبطت معي سامحوني... نكون أو لا نكون ؟! يجب ان نكون بالرغم من كل شيء...".